دعاء نثر / ياخالق الكون سامحنى على العصيان

دعاء نثر /
ياخالق الكون سامحنى على العصيان
-----------------------------------------
ياخالق الكون
سامحنى على العصيان
أنا مش ملاك
أنا إنسان
وأنت عارف
أنا ضعيف غلبان
مسالم مع الناس
وحتى مع الحيوان
محتاج دايما لرحمتك
محتاج لعفوك والغفران
محتاج لحمايتك
من أهل الشر والعدوان
وانت عارف قسوة الزمان
واللى بتعمله فينا الأيام
وانت شايف
الشر والنكران
وقلة الأصل والهجران
من أقرب الناس والخلان
أشكو لك من ظلم
الناس والأيام
من بنى الإنسان
من الوحدة والحرمان
رغم انى مسالم إنسان
سامحنى يارب
أنا غلطان
أنا ضعيف
أنا إنسان
جئتك يارب
تائبا ندمان
أقبل توبتى يارحمان
فغفرانك أنا عشمان
أنا مش ملاك
أنا إنسان
لم يعد لى سوى بابك
ياخالق الأكوان
استجير برحمتك
من ظلم بنى الإنسان
انصفنى يامن له
الصلاة والإيمان
وصيام رمضان
سامحنى على العصيان
سامحنى أنا إنسان
كلمات / مصطفى راشد