ايامنا الجميله

اسماء محمد الشريف
2020 / 8 / 15

كثير بنقول الله على ايامنا الماضيه
على احلامنا الي كانت ابسط احلامنا كانت لعبه مع اولاد الجيران
والكل يمسك ايد الثاني والبنت مع الولد يلعبو نلعب لعبه اخ مع اخ اخت مع اخت
كانت احلام الطفوله عباره عن رسوم متحركه على التلفزيون مع انو ما كان في تلفزيون بالبيت ولا في اصلا راديو الي تسمع اخبار الناس وعلومها اجمل احلامنا كانت لما تيجي الكهربه نص ساعه او في بعض الاحيان ما تيجي الا لحظه وباقي اليوم تكون غايبه لياليها اجمل لحظه كانت لما يكون في عرس او ترح مش لانو في عرس لا لانو في اشي لا لانو كل الناس تلاقيها الايد بيد بعضها بتشد وبتسند
بعضها تلاقي الابيض الاسود الاحمر والاصفر البني الاخضر والنيلي الكل مشارك فيها هاذ بشيل وهذاك بمسك وهذاك بساعد هذاك بواسي وهذاك بطمن وبقدم الكل مع بعض معها مش عليها اجمل لحظه كانت بيت جدي لحظه لما كنا نقعد مع جدي نسمع حكيات ستي كانت الجمعه اجمل ما فيها ضحكه ستي وصوره امي فيها ايام كانت ما فيها تقدم تكنلوجيا ولا تلفزيون ولا اغاني ما كان لا الانترنت او غنى عالي لكن كان في اخلاق كان في تقدم بالاخلاق وعلو بالامن والامان كانت الفرحه فرحه مش ضحكه مزيفه ولا مجرد كلمه على الورق في قصيده كان الحب تلمسو الروح قبل ما يكون بالعيون ودمعها قبل ما يكون بالبدله البيضه وطرحتها كان للحب طعم غير كانت الكارثه تشوف بنت مطلقه او بنت حردانه كانت الكارثه لما بتشوف بنت خارجه من بيت زوجه ثاني يوم عرسها او بعد اسبووع من عرسها المصيبه كانت لما بتسمع بنت طلعت من غير اذن زوجها من غير علم ابوها ايام ما كان فيها ايش اشي لحياتنا لكن كانت فيها حياتنا