هايه بناتك يا وطن هايه

ميسون نعيم الرومي
2020 / 2 / 13

-(هايه بناتك يا وطن هايه)-
هيبه للشرف وايعلن الرايه
-(هايه بناتك يا وطن هايه)-
وحدتهن بـَ الف وانحبهن اهوايه
***
انشوده الثورتك يعراق غنواته
ابنيات الوطن ثروته اومايه
سندن ثورتك بالروح بالخدمات
واليفتي چذب لابد إله غايه
***
أم آنه اوإخت وآنه الحـْبـَيبـَه
مدفوع الثمن والطشر ادمايه
يوميه راي اواله متقصد التخريب
كافي اوبس بعد ملينه الروايه
***
تاريخ انكتب والشهدت الأزمان
كل طاغي حكم لازم إله انهايه
جونه امن العدم باگونه كتلونه
ذبحوا بالشباب اوصارت اسبايه
***
أحزاب الغدر، متفقه والحكام
عَ الكرسي لزگ والسلطه نسايه
فاليحيى العراق اويحيى ثواره
عينوني يخوتي اوهتفوا ويايه
***
-(هايه شبابك يا وطن هايه)-
بيهم نفتخر وانعلي بالرايه
-(هايه بناتك يا وطن هايه)-
بيهن نفتخر وانعلي بالرايه
--------------------------------
الى بنات ونساء العراق الثائرات اهديها
13/شباط/2020
ســــــــــــــــــتوكهولم