ما نتراجع لا..لا..لا - اهازيج مهداة الى الثورة الشبابية المجيدة

ميسون نعيم الرومي
2019 / 11 / 4

ما نتراجع لا..لا..لا
ما نتراجع لا..لا..لا
منصورين ابإذن الله
شعب الثائر ماينظام
يكنس كل ذوله الظلام
شباب الثوره يالشجعان
فخر اوعزَّه للأوطان
ما نتراجع لا..لا..لا
منصورين ابإذن الله
***
كلكم برَّه يا أوغاد
جوَّعتونـَه كالمعتاد
احزاب السلطه يا فـِسـّاد
باچر عگبه ايصير اطراد
كلكم برَّه ماكو أمان
بغداد انباعت ليران
ما نتراجع لا..لا..لا
منصورين ابإذن الله
***
شعب اتوحد إيد ابإيد
يحمي الثوره بالتأكيد
نبني وطنه وانعليه
لا..لا أبداً ما ننطيه
كحله اترابچ يا بغداد
شعبچ ابطال اوأمجاد
ما نتراجع لا..لا..لا
منصورين ابإذن الله