فاليحيى العراق او يحيى ثواره

ميسون نعيم الرومي
2019 / 10 / 29

فاليحي العراق او يحيى ثواره – هيبه للشـعب واتضوي انواره
اتحدوا بالرصاص اشكال وي انواع – زفـوه الشـهيد اوطلبوا ابثاره
مكشوف الصدر بس العلم بالإيد – يهتف للوطن واينادي باعماره
يا نهر الفرات ابناءه واهواره – دمكم محرقه للباغي وانصاره
بغداد الأزل والبصره وي ميسان – واسط والمثنى ديوانيه ديالى ابراره
كل اهل العراق الهبوا او يحموك – يا شـعب الصُبـَر وانـذاعـَـت اخباره
لملوم اشكثر ما أدري جونه امنين - حكام العراق اذناب للجاره
باعوه الوطن فرهدوا بالثروات – اتهربت للغرب ما سلمت آثاره
نطرد كل دخيل انحاكم اللي خان – يا دم الشـهـيـد اليطلب ابثاره
ابكل عهد او زمن مرخوصه يدمانه – مظلومه ظلم شبانه واحراره
بضلوعي الك مية جرح چم آه – تسعر بالگلب واتوجر ابناره
زفوه الشهيد ابساحة التحرير – كل ربعه بچت وانقرت اشعاره
گصَتــَّه الشعر ام الشهيد اتصيح – تحضن بالقميص وادمه تذكاره
نرفع رايتك ياوطن نهتف حيل - فاليحيى العراق او يحيى ثواره
--------------------------------------------------------------
29 / تشرين الأول /2019
اليوم الخامس للانتفاضه الشبابية العراقية الباسلة
------------------------------------------------------
ستوكهولم