لا الجزائر ساوينه - اولا السودان

ميسون نعيم الرومي
2019 / 5 / 17

لا الجزائر ساوينه - اولا السودان
ميسون نعيم الرومي
لا الجزائر ساوينه - اولا السودان
خيبتنه املونه ابألوان
بغداد اتريفت انقاض - لا خـدمات اولا عمران
اوزارات انباعت بآلوف - دويتوا اعلينه كالذبان
لملوم التمت ســــراق - بالدول امجادي بيبـان
ذل او موت اوتفجير- بعبع (داعش) بيد افلان
وسطاني اوصاير يعراق - بين امريكه اوبين ايران
للحرب اندگت لطبول - موت امكشر .. يا شبان
ولد الساسه متنعمين - (يالملحه) وليداتچ قربان
چم دوب اونحمل ليوين - لسكوت اوصاير عنوان
نوح اولطم اولم ادموم - صارت مهنه من ازمان
(موصلنه) .. انربدت ع الروس – (بصره) انباعت للجيران
اسلاميه اوگالوا لحزاب - چـِذبوا اتباع الشيطان
بسمك يا دين (اتقشمرنه) - اوبسمك (يادين) الشعب انهان
وين الشاره! اوين الحوبه؟غسل اوصاير للأذهان
سبحه اومحبس محتالين - منكم متبريه الأديان
(هـَفـت) اشبعنه كافي اوعود - احكومتنه اعتاويهه اسمان
يمته اتشبعون الله ايهدكم - لفلوس اترحلت للبلدان
جوعتونه اوصرنه ابعوز- منكم متبري الرحمان
يوم اگريب موش ابعيد - عامان اويلحگ شامان
لا المال الينفع .. لا جاه – بالحفره اوتاليكم جرذان
--------------------------------------------------------
مايس / 2019
ســــــــــــــــتوكهولم